გზა ემპათიისკენ! პირველკლასელები აუტიზმის სამყაროს ეცნობიან.

სსიპ ქუთაისის N 33 საჯარო სკოლის ინკლუზიური განათლების კათედრის წევრების: ირინა  დათაშვილის, მარიამ მანაგაძის, ლიკა დვალიშვილისა და ქრისტინე სულაბერიძის  წარმატებული შეხვედრები 1-ლი კლასის მოსწავლეებთან, პირველკლასელები აუტიზმის სამყაროს ეცნობიან.

 თემა: გზა ემპათიისკენ!

 💡 რა მიზანს  ვემსახურებით?

ადრეული ასაკიდანვე დავნერგოთ  ბავშვებში ემპათია, მიმღებლობა და ტოლერანტობა განსხვავებული საჭიროებების მქონე ადამიანების მიმართ. ჩვენ გვჯერა, რომ სწორი და მარტივი ინფორმაციის მიწოდება ხელს უწყობს იმ გარემოს შექმნას, სადაც თითოეული მოსწავლე თავს დაცულად და დაფასებულად გრძნობს.

 💡 რა აქტივობები გამოვიყენებთ?

• შემეცნებითი ფილმების ჩვენება: ბავშვებმა ნახეს მოკლე, ანიმაციური და მათთვის გასაგებ ენაზე შექმნილი ვიდეოები, რომლებიც განმარტავდა, რას ნიშნავს იყო აუტისტური სპექტრის მქონე და როგორ აღიქვამენ სამყაროს მათი თანატოლები.
• როლური თამაშები (სიმულაციები): ამ აქტივობების ფარგლებში, ბავშვებს საშუალება მიეცათ, "გამოეცადათ" ისეთი შეგრძნებები, რომლებიც ხშირად ასოცირდება ასა-სთან, მაგალითად, ჰიპერმგრძნობელობა ხმისა და სინათლის მიმართ. ამან მათ საშუალება მისცა, უკეთ გაეგოთ განსხვავებული ქცევების მიზეზები.
• სოციალური ისტორიები: სპეციალურად მომზადებული მარტივი, ილუსტრირებული მოთხრობების მეშვეობით, მოსწავლეებმა გაიაზრეს კონკრეტული სოციალური სიტუაციები (მაგალითად, რიგში დგომა, თამაშში ჩართვა) და ისწავლეს, როგორ დაეხმარონ ასა-ს მქონე მეგობარს ამ სიტუაციებში.

✅ შედეგები და სამომავლო გეგმები

შეხვედრებმა დიდი ინტერესი გამოიწვია მოსწავლეებში. პედაგოგებმა აღნიშნეს, რომ ბავშვები აქტიურად სვამდნენ შეკითხვებს და გამოხატავდნენ მზაობას, მეტი გაეგოთ და მხარი დაეჭირათ თანატოლებისთვის.

 ჩვენ ვაგრძელებთ  მსგავსი ღონისძიებების დაგეგმვას, რათა ჩვენი სკოლა დარჩეს ადგილი, სადაც ყველა ბავშვის მრავალფეროვნება და უნიკალურობა დაფასებულია.