ონლაინ შეხვედრა "ეიბიჯიეს" აკადემიასთან ერთად, თემა: მასწავლებელი, მშობელი და ინდივიდუალური ასისტენტი — ერთი გუნდი, ერთი მიზანი

 

         მასწავლებელი, მშობელი და ინდივიდუალური ასისტენტი — ერთი გუნდი, ერთი მიზანი

ინკლუზიური განათლება მხოლოდ  საგნმანათლებლო მიდგომა არ არის — ეს არის ღირებულება, რომელიც ეფუძნება თანამშრომლობას, ურთიერთპატივისცემასა და საერთო პასუხისმგებლობას. სწორედ ამ იდეის ირგვლივ გაიმართა მასშტაბური შეხვედრა თემაზე:
„მასწავლებელი, მშობელი, სსსმ მოსწავლის ინდივიდუალური ასისტენტი — ერთი გუნდი, ერთი მიზანი“

შეხვედრამ გააერთიანა 300-მდე მონაწილე მთელი საქართველოს მასშტაბით — ადამიანები, რომლებიც ყოველდღიურად ზრუნავენ ბავშვების განვითარებაზე და ქმნიან მხარდაჭერაზე დაფუძნებულ სასწავლო გარემოს. ასეთი მასშტაბი კიდევ ერთხელ ადასტურებს, რომ ინკლუზიური განათლება დღეს ერთ-ერთი ყველაზე მნიშვნელოვანი და აქტუალური მიმართულებაა საგანმანათლებლო სივრცეში.

განსაკუთრებით აღსანიშნავია, რომ ეიბიჯიეს  აკადემიისა და  ქუთაისის N33 საჯარო სკოლის  მასწავლებლების ( სოფიო ძიგრაშვილი, ირინა დათაშვილი, ლიკა გორდეზიანი)   და მშობლების ( სოფიო ბარათელი)   აქტიური მონაწილეობა. მათი გამოცდილება, პრაქტიკული ხედვები და ჩართულობა შეხვედრას კიდევ უფრო ღირებულს და შინაარსიანს ხდიდა.

შეხვედრის ფარგლებში განიხილეს მასწავლებლის, მშობლისა და ინდივიდუალური ასისტენტის როლები, მათი ურთიერთთანამშრომლობის მნიშვნელობა და ის პრაქტიკული გზები, რომლებიც ხელს უწყობს სსსმ მოსწავლის ეფექტურ მხარდაჭერას. გამოიკვეთა, რომ წარმატების მთავარი საფუძველი არის არა ცალკეული მოქმედებები, არამედ ერთიანი, შეთანხმებული მუშაობა — როცა ყველა მხარე ერთ მიზანზეა ორიენტირებული.

თანამშრომლობა არ არის მხოლოდ კომუნიკაცია — ეს არის ნდობა, თანადგომა და საერთო პასუხისმგებლობა ბავშვის განვითარებაზე. სწორედ ასეთი ერთობლივი ძალისხმევით იქმნება გარემო, სადაც თითოეულ ბავშვს აქვს შესაძლებლობა გამოავლინოს საკუთარი პოტენციალი.

ეს შეხვედრა იყო კიდევ ერთი მნიშვნელოვანი ნაბიჯი იმ გზაზე, რომელიც გვაერთიანებს — შევქმნათ უფრო ინკლუზიური, მხარდამჭერი და თანასწორი საგანმანათლებლო სივრცე საქართველოში.