ჩვენ მეგობრები ვართ

სსიპ ქუთაისის  N 33 საჯარო სკოლაში   ენისა და მეტყველების თერაპევტის სოფიო ნემსიწვერიძისა და სპეციალური მასწავლებლის მარიამ სვანიძის ორგანიზებით, გაიმართა აქტივობა-თამაში — „ჩვენ მეგობრები ვართ“, რომელიც მიზნად ისახავდა მოსწავლეებში კომუნიკაციისა და თანადგომის უნარების განვითარებას.

აქტივობის მთავარი ამოცანა იყო სსსმ მოსწავლეებთან ურთიერთობის ძირითადი პრინციპების გაცნობა და მათი უკეთ გაგება. თამაშის ფორმატი დაეხმარა მოსწავლეებს, მარტივად და ბუნებრივად დაენახათ, რამდენად მნიშვნელოვანია ერთმანეთის მოსმენა, მხარდაჭერა და განსხვავებულობის მიღება.

აქტივობის პროცესში მოსწავლეებმა შეისწავლეს, როგორ უნდა ითანამშრომლონ თანატოლებთან, როგორ გამოხატონ ემპათია და როგორ შექმნან მეგობრული გარემო, სადაც ყველა თავს დაცულად და მიღებულად იგრძნობს. მსგავსი პრაქტიკული აქტივობები განსაკუთრებით ეფექტურია, რადგან ბავშვები გამოცდილების გზით სწავლობენ და უკეთ იაზრებენ ინკლუზიის მნიშვნელობას.

„ჩვენ მეგობრები ვართ“ — ეს არ არის მხოლოდ აქტივობის სახელწოდება, ეს არის გზავნილი, რომელიც ბავშვებს მთელი ცხოვრების განმავლობაში გაჰყვებათ.