ინკლუზიური განათლების კათედრა

ინკლუზიური განათლების კათედრის ორგანიზებით, სსიპ ქუთაისის N 33 საჯარო  სკოლაში ჩატარდა კონფერენცია თემაზე – „თანამშრომლობის ძალა ინკლუზიურ განათლებაში“ , რომლის მიზანი იყო ინკლუზიური განათლების პროცესში ჩართული პროფესიონალების გამოცდილების გაზიარება, გუნდური მუშაობის მნიშვნელობის წარმოჩენა და სხვადასხვა პერსპექტივიდან სასწავლო პროცესის გააზრება. კონფერენციის ფარგლებში განვიხილეთ  მრავალფეროვანი და მნიშვნელოვანი საკითხები.  ინკლუზიური განათლების სპეციალისტმა, უფროსმა სპეციალური განათლების მასწავლებელმა სოფიო ძიგრაშვილმა წარმოადგინა თემა: „სპეციალური მასწავლებელი და სსსმ მოსწავლის ინდივიდუალური ასისტენტი – ერთი გუნდი, ერთი მიზანი“ , სადაც ხაზი გაესვა თანამშრომლობის გადამწყვეტ როლს სსსმ მოსწავლის მხარდაჭერაში. დამრიგებელმა და სსსმ მოსწავლის ინდივიდუალურმა ასისტენტმა ინგა კანდელაკმა თემით „ნაბიჯ-ნაბიჯ წარმატებისკენ: რას გვასწავლის ასისტენტის მუშაობის პროცესი“ დამსწრეებს გააცნო ასისტენტის ყოველდღიური პრაქტიკა და პროფესიული გამოცდილება. ენისა და მეტყველების თერაპევტმა...

დღეს განსაკუთრებით თბილი და შემოქმედებითი შეხვედრა გვქონდა 💫 ინკლუზიური განათლების დეპარტამნეტის წევრის ეკატერინე ნადირაძის ხელმძღვანელობით გაიმართა საახალწლო ბარათების შექმნის მასტერკლასი, სადაც მონაწილეებმა საკუთარი ფანტაზიით შექმნეს ინდივიდუალური  ნამუშევრები 🎅🎨 მადლობა ყველას ჩართულობისთვის და ეკატერინეს — ინსპირაციისთვის!

ჩემი უფლებაა ვიყო დაცული ამ  დევიზით  განხორციელდა შეხვედრები დაწყებითი  კლასის   ( 4ა,4ბ.4გ,4დ დ  5გ მოსწავლეებთან) ინკლუზიური განათლების დეპარტამენტის წევრებმა: მარიამ სვანიძე, ეკატერინე ბრეგვაძემ, სოფიო ბარათელმა, მირანდა შალამბერიძემ და სოფიო ძიგრაშვილმა მოსწავლეებთან ერთად   ისაუბრეს   შემდეგ თემაზე: რ ოგორ ვაქციოთ სკოლა ყველასთვის საყვარელ და უსაფრთხო ადგილად? როგორ შევქმნათ ტოლერანტული და ძალადობისაგან დაცული გარემო. მოსწავლეები აქტიურად იყვნენ ჩართულები სხვადასხვა აქტივობაში: დავფიქრდით: ფილმის ნახვის შემდეგ გავაანალიზეთ, რამდენად მნიშვნელოვანია მხარდაჭერა მაშინ, როცა ვხედავთ უსამართლობას. გავითამაშეთ: როლური თამაშებში მოსწავლეებმა   ისწავლეს, როგორ დაიცვან საკუთარი და სხვისი უფლებები ასერტული   ფორმით. ვისაუბრეთ:   თემაზე, მრავალფეროვნება ჩვენი სიმდიდრეა და არა დაპირისპირების მიზეზი.  მადლობა თითოეულ მონაწილეს გულწრფელობისთვის და აქტიურობისთვის!  

სსიპ ქუთაისის N 33 საჯარო სკოლის ინკლუზიური განათლების კათედრის წევრების: ირინა  დათაშვილის, მარიამ მანაგაძის, ლიკა დვალიშვილისა და ქრისტინე სულაბერიძის  წარმატებული შეხვედრები 1-ლი კლასის მოსწავლეებთან,  პირველკლასელები აუტიზმის სამყაროს ეცნობიან.  თემა: გზა ემპათიისკენ!   💡  რა მიზანს  ვემსახურებით? ადრეული ასაკიდანვე  დავნერგოთ   ბავშვებში  ემპათია, მიმღებლობა და ტოლერანტობა  განსხვავებული საჭიროებების მქონე ადამიანების მიმართ. ჩვენ გვჯერა, რომ სწორი და მარტივი ინფორმაციის მიწოდება ხელს  უწყობს  იმ გარემოს შექმნას, სადაც თითოეული მოსწავლე თავს დაცულად და დაფასებულად  გრძნობს.   💡  რა აქტივობები გამოვიყენებთ? შემეცნებითი ფილმების ჩვენება:  ბავშვებმა ნახეს მოკლე, ანიმაციური და მათთვის გასაგებ ენაზე შექმნილი ვიდეოები, რომლებიც განმარტავდა, რას ნიშნავს იყო აუტისტური სპექტრის მქონე და როგორ აღიქვამენ სამყაროს მათი თანატოლები. როლური თამაშები (სიმულაციები):  ამ აქტივობების ფარგლებში, ბავშვებს ს...